ព្រះសីហនុ៖ នាវាទេសចរណ៍ Seven Seas Explorer មានភ្ញៀវទេសចរណ៍សរុប ៦១៧នាក់ ចូលចតនៅ កំពង់ផែស្វ័យ័តក្រុងព្រះសីហនុដោយសុវត្ថិភាពក្នុងគោលបំណងមកទស្សនាប្រទេសកម្ពុជា។

នាវាទេសចរណ៍នេះ មាននាវិកសរុបចំនួន ៥៣៩នាក់ ស្រី ៣១៩នាក់ និងមាន ៤១សញ្ជាតិ ព្រមទាំងមានភ្ញៀវទេសចរណ៍សរុបចំនួន ៦១៧នាក់ (ស្រី ៣១៩នាក់) មាន ២៤សញ្ជាតិ ដែលមានប្រវែងបណ្តោយ ២២៣,៧០ម៉ែត្រ ប្រវែងទទឹង ៣១ម៉ែត្រ ជម្រៅ ៧,២០ម៉ែត្រ

ដោយឡែក ភ្ញៀវទេសចរណ៍ច្រើនជាងគេ ក្នុងនាវាចរណ៍នេះគឺសញ្ជាតិអាមេរិកចំនួន ៤០៤នាក់ ហើយនាវាទេសចរណ៍នេះ នឹងចាកចេញទៅប្រទេសថៃ នៅវេលាម៉ោង ៥ ល្ងាច នេះ។

គួរឱ្យដឹងដែរថា កាលពីថ្ងៃទី២២ ខែកុម្ភៈ ឆ្នាំ២០២៣ នាវាទេសចរណ៍ ឈ្មោះ Nautica ដែលមានមាននាវិកសរុបចំនួន ៤០៧ និងភ្ញៀវទេសចរណ៍សរុបចំនួន ៥៣៥ ក៏បានមកទស្សនាប្រទេសកម្ពុជាផងដែរ៕